The Breadmaker not winner

So I made my own bread last night. I need to work on that. The way I see it, it can’t be that difficult. If it was, bread wouldn’t still be on the menu after all these years.

Shocraigh mé mo shochair leasa shóisialta a shórtáil amach inniu. Bhuail mé isteach go dtí m’oifig áitiúil agus chuir mé ceist i nGaeilge ag an bhfáiltiú an mbeadh éinne ar fáil chun déileáil le m’éileamh trí Ghaeilge. Bhí mearbhall ar an bhfáilteoir ar dtús ar ndóigh ach chuir mé an ceist arís i mBéarla. Bhí sí ag ceapadh go raibh agus an bhfanfainn ar feadh soic go bhfeicfidh sí. Tháinig sí ar ais agus b’oth léi a rá nach raibh aon foirmeacha éilimh ar fáil i nGaeilge agus bhí Barry an fear le Gaeilge as láthair. Ach ansin d’iarr sí orm fanacht arís ar laetaobh, bhí a bainisteoir ag fiosrú an scéil. Cúpla bomaite níos moille tháinig a bainisteoir amach agus iarradh orm gabháil suas go dtí seomra eile agus bhí fear ann le Gaeilge. Gabh sé leithscéal liom (a) faoin easpa foirmeacha i nGaeilge (cén fáth nach déantar foirm amháin dóibh…?) agus (b) faoin rud nach eisean de ghnáth a phléann leis an bpobal. Dúirt sé liom go raibh sé tar éis na foirme a chuardach ar líne ach nach raibh sé ar fáil ansin ach oiread. Dúirt sé liom go bhfuil an bainisteoir réigiúnach acu ansin an-tiománta don Ghaeilge. Leanamar linn agus bhí sé an-chabhrach. Bhí dearmad déanta agamsa ar mo phas, thug sé a ainm dom agus dúirt sé liom scairt a chur air féin nuair a bhuailfinn ar ais le mo phas. Dúirt sé liom toisc m’éileamh a dhéanamh i nGaeilge ba chóir go mbeadh gach rud sórtáilte taobh istigh de sheachtain i gcomparáid le 3 seachtain do na Béarlóirí agus faoin am gur fhág mé bhí na daoine céanna fós ag fanacht is a bhí nuair a chuaigh mé isteach.

Sin ráite bhí níos mó Polainnís (glacaim leis) le feiceáil ar na cláracha fógraí agus fógraí oifigiúla ná mar a bhí Gaeilge. Ach bhí easpa comharthaíochta cabhrach ann cuma cén teanga.

Bhí íontas na n-íontas ormsa an méad sin de sheirbhís trí Ghaeilge a fháil ann. Mar a thuigimse é má ceannaíonn an bhainístíocht isteach ann bíonn seans i bhfad níos fearr i bhfeidhmiú na hAchta. Chuala mé freisin ó chara liom go bhfuil sé ag tabhairt faoi taighde ar an gceist seo, rud a bhí spéis agam féin ann ach áfach níl na hacmhainní agam.